أمور عاديه...أو اصبحت عاديه

حاجات كتيره الواحد بيشوفها وبسمعها وبلاحظ ان مافيش حد اعترض عليها او اتكلم عنها كما لو كانت امر طبيعى وعادى انه يحصل.
أنا بحب اشوف الافلام والمسلسلات...يمكن كمان عشان طبيعه عملى كصيدلى بتتيح لى انى اتفرج وقت اكتر على التلفزيون
وطبعا دى اكتر حاجه الواحد ممكن يشوف فيها حاجات تضايقه بس ما باليد حيله , بس اكتر حاجه ممكن تضايق الواحد الجهل بأمور بسيطه فى الدين والمفروض انها تكون معروفه لاى حد السنه بس واضح ان الجهل بالدين وصل لابسط الامور , فى مسلسل حنان وحنين بتاع عمر الشريف اتكلموا عن علاقه بنته بشاب ايطالى وانها كانت ناويه تتجوزه بل وحاولت تعمل معاه علاقه جنسيه فى الشارع بس ما قدرتس مش لانه حرام لا...لانها ماكانتش مستعده نفسيا..او يمكن ماكانش ليها مزاج... و كل ده بدون اى اعتراض من والدها بل كان مشجع الموضوع وموافق عليه مش عارف المؤلفه جاهله للدرجه دى بأمور دينها انها تخلى زواج مسلمه من ايطالى مسيحى أمر عادى بغض النظر عن علاقتها بيه واذا كانت مش عارفه معقوله ماحدش تانى من اللى قرأ المسلسل او اشتغل فيه او حتى شافه مايعرفش , أمر غريب جدا طبعا ممكن واحد يقول انهم ماذكروش ان الايطالى دا مسيحى بس دا كان واضح من تصرفاته وحتى كمان من اسمه.
الموضوع دا اتكرر فى يتربى فى عزو لما كانت بنت كمال اللى هو ابن عم حماده عزو عايزه تتجوز واحد انجليزى من غير ماحد فيهم يستفسر عن دينه كما لو كان امر مش من حق حد فيهم انه يتكلم عنه لان واضح ان الدين بقى أخر حاجه حد يفكر فيها
حتى فى مسلسل تانى لما البطل اتجوز واحده و وجد انها مش بكر كان وجه اعتراضه ان دا امر يخالف اعرافنا وتقاليدنا وماجبش سيره ان دا اسمه زنا وانه اتجوز واحده زانيه وخالفت امر دينها , بس كان اللى مضايق منه انها خالفت اعرافنا وتقاليدنا؟!!!!... اللى هى ايه ...انا مش عارف....

مش عارف اقول لك الله يا مصر..ولا لك الله يا اسلام ...